Filamu ya Espinho da Rosa “the Thorn of the rose” yatwaa tuzo tatu tamasha la 17 la ZIFF 2014

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Malkia wa Filamu ya Espinho da Rosa (the Thorn of the rose) ya Filipe Henriques kutoka Guinea Bissau ADY de Batista akiwasili huku akiongozana na Meneja wake Sholey Maqueta kwenye usiku maalum wa tuzo wakati wa tamasha la 17 la ZIFF 2014 lililomalizika mwishoni mwa juma visiwani Zanzibar kwenye viunga vya Ngome Kongwe.

Na Mwandishi wetu, Zanzibar

FILAMU ya Espinho da Rosa (the Thorn of the rose) ya Filipe Henriques kutoka Guinea Bissau imeondoka na tuzo tatu katika tamasha la 17 la filamu la kimataifa la Zanzibar (ZIFF).

Tuzo hizo ni pamoja na ya Signis , tuzo ya majaji na tuzo ya fedha ya ZIFF.

Katika tamasha hilo filamu iliyotwaa tuzo ya dhahabu ni ile ambayo ilikataliwa kuoneshwa nchini Nigeria ilikotengenezwa ya Half of a Yellow Sun iliyoongozwa na Biyi Bandele.

Shughuli za utoaji tuzo ambazo zilitanguliwa na hotuba ya makamu mwenyekiti wa kampuni ya wananchi Group ambayo brand yake ya zuku ndio inafadhili ZIFF pamoja na tuzo zake za Swahili, zilinogezshwa na vikundi mbalimnbali kikiwemo cha kereografu cha B 6.

Mkurugenzi Mtendaji wa Hoteli ya Doubletree by Hilton Zanzibar, Bw. Samuel(kulia) Bond na Mkewe Jenny Bond wakibadilishana mawazo na mmoja wa majaji wa tuzo za ZIFF 2014 Mykel Parish (aliyeipa mgongo kamera) kabla ya kuanza kwa tuzo za ZIFF 2014.

Aidha mwenyekiti huyo alisema kwamba Zuku itaendelea kuhakikisha inasaidia kuinua kiwango cha uigizaji na utengenezaji sinema za Kiswahili kwa kutambua kwamba filamu hizo ni sehemu ya uzalishaji wa fedha katika taifa kupitia utamaduni.

Aidha alisema pamoja na mamilioni ya shilingi walioyoahidi kutumbukiza katika miaka 10 ni vyema taasisi nyingine hasa za umma kutambua uwapo wa tamasha hilo ambalo likitumika vyema ni chanzo kikuu cha fedha kwa serikali na watu wake.

Katika utoaji wa tuzo ambao ulionekana nchi ya Afrika Kusini kufanya vyema, mtendaji wa ZIFF Professor Martin Mhando alizungumza maana ya nchi za majahazi na nini kinastahili kufanywa.

Mkurugenzi Mkuu wa ZIFF, Profesa Martin Mhando akiwakaribisha wageni waalikwa waliohudhuria usiku maalum wa tuzo za tamasha la 17 la ZIFF 2014 zilizofanyika mwishoni mwa juma.

Alisema tamasha hilo halitabadili wajibu wake wa tangu awali wa,mkuchochea mabadiliko miongoni mwa jamii na serikali hali ambayo inajenga jamii yenye kuheshimu maendeleo na wajibu wa kila mmojawao.

Alisema pamoja na kuwa na safari ndefu bado ZIFF ndio jukwaa lenye uhakika kwa watengeneza sinemakatika bara la Afrika na kadhalika.

Katika utoaji tuzo,ZIFF ilialika zaidi ya watengeneza filamu 30 kutoka nchi mbalimbali.

ZIFF 2014 – AWARDS

SIGNIS AWARDS

SPECIAL MENTION

Shadow Tree

By BIja Viswa

(Tanzania)

EAST AFRICAN TALENT AWARD (1000 dollars)

Sticking Ribbons

by Bill Jones

(Kenya)

SIGNIS PRIZE

Espinho Da Rosa/ The Thorn Of The Rose

by Filipe Henriques

(Guine Bissao)

SEMBENE OUSMANE AWARDS

Umunthu,

by Mwizalero Nyirenda

(Malawi)

Body Games,

by Richard Pakleppa& Matthias Rohrig Assuncao

(Namibia / Brasil / South Africa)

SPECIAL MENTION

Welcome to Loliondo

by Morten West

(Denmark)

ZUKU BONGO MOVIES AWARDS

ZUKU PEOPLE CHOICE

Shikamoo Mzee

Afisa Mtendaji Mkuu wa Wananchi Group ambao ndio wadhamini wakuu wa tamasha hilo, Bw. Richard Bell akizungumza na wageni waalikwa wakati utoaji tuzo za ZIFF 2014 lililomalizika mwishoni mwa juma visiwani Zanzibar. Aidha mwenyekiti huyo alisema kwamba Zuku itaendelea kuhakikisha inasaidia kuinua kiwango cha uigizaji na utengenezaji sinema za Kiswahili kwa kutambua kwamba filamu hizo ni sehemu ya uzalishaji wa fedha katika taifa kupitia utamaduni na kutoa wito kwa wasanii wa Bongo Movie kupeleka kazi zao kwa ajili ya kuonyeshwa kwenye chaneli za ving’amuzi vya ZUKU na kujitangaza kimataifa kupitia ving’amuzi hivyo.

BEST ACTOR

Jackson Kabirigi

for Kisate and Nguvu ya Imani

BEST ACTRESS

Esha Buheti

for Mimi na Mungu wangu

BEST DIRECTOR

Issa Musa Cloud

for Shahada

BEST FEATURE FILM

Shahada

Issa Musa

ZIFF AWARDS

LIFETIME ACHIEVEMENT AWARD

Emerson Skeens

Founder of ZIFF

Awarded Posthumously

BEST DOCUMENTARY

Sobukwe: A Great Soul

Mickey Madoda Dube

(South Africa)

BEST ANIMATION

Khumba

Anthony Silverston

(SouthAfrica)

BEST SHORT FILM

Shadowtree

Mti Wakivuli / Biju Viswanath

(India / Tanzania)

BEST EAST AFRICAN TALENT

The King’s Virgin

Daniel Moss

(Tanzania/UK)

Mmoja wa majaji wa tuzo za Signs kwenye tamasha la ZIFF 2014, Adinda Pamela akitangaza washindi wa tuzo hizo. Katikati ni Mratibu wa Majaji wa tuzo za ZIFF 2014, Fabrizio Colombo na kulia ni mmoja wa “ushers” akiwa ameshikilia tuzo hiyo.

CHAIRMAN’s AWARD

Sodiq

Adeyemi Michael

(UK)

SPECIAL JURY AWARD

Julio Mesquith

Main Actor

The Thorn of the Rose

BEST FEATURE FILM (SILVER DHOW)

The Thorn of the Rose – Espinho da Rosa

by Filipe Henriques (Guinea Bissau)

BEST FEATURE FILM (GOLDEN DHOW)

Half of a Yellow Sun

Biyi Bandele (USA)

Mmoja wa washindi wa tuzo za Signis alikuwa ni ADY de Batista malkia wa Filamu ya Espinho da Rosa (the Thorn of the rose). Pichani ni ADY de Batista akisindikizwa jukwaani kupokea tuzo na Meneja wake.

Mmoja wa majaji wa tuzo za Signis Adinda Pamela akimpongeza ADY de Batista baada ya kunyakua tuzo hizo.

ADY de Batista akiongea kwa furaha kwenye usiku maalum wa tuzo za Signis katika kusheherekea tamasha la 17 la ZIFF lililomalizika mwishoni mwa wiki visiwani Zanzibar.

ADY de Batista akishuka jukwaani baada ya kupokea tuzo na Meneja wake.

Channel Coordinator wa ZUKU Swahili, Bilha Olimba akitangaza jina la mshindi wa tuzo za ZUKU PEOPLE’s CHOICE. Katikati ni Afisa Mtendaji Mkuu wa Wananchi Group ambao ndio wadhamini wakuu wa tamasha hilo kupitia brand ya ZUKU, Bw. Richard Bell

Msanii wa filamu nchini Shamsa Ford akielekea jukwaani kumchukulia msanii mwezake Jacob Steven almaarufu kama JB alitwaa tuzo ya ZUKU PEOPLE’S CHOICE kupitia filamu yake ya SHIKAMOO MZEE kwenye tamasha la 17 la ZIFF lililomalizika mwishoni mwa juma visiwani Zanzibar.

Shamsa Ford akizungumza kwa niaba ya JB kabla ya kupokea tuzo hiyo.

Afisa Mtendaji Mkuu wa Wananchi Group ambao ndio wadhamini wakuu wa tamasha hilo kupitia brand ya ZUKU, Bw. Richard Bell akikabidhi tuzo ya ZUKU PEOPLE’s CHOICE kupitia filamu ya SHIKAMOO MZEE ya mwigizaji Jacob Steven almaarufu kama JB iliyopokelewa na msanii mwenzake Shamsa Ford.

Shamsa Ford akishukaa jukwaa kwa furaha isiyona kifani.

Afisa Mtendaji Mkuu wa Wananchi Group ambao ndio wadhamini wakuu wa tamasha hilo kupitia brand ya ZUKU, Bw. Richard Bell akimkabidhi tuzo mwigizaji bora Jackson Laurent Kabirigi kupitia filamu ya “Kisate na Nguvu ya Imani” (wa pili kushoto) aliyeambatana na ndugu yake Feysal Arikardy (kushoto).

Mtayarishaji wa filamu Swahiliwood, William Mtitu akielekea jukwaani kumpokelea tuzo mwongozaji wa filamu Issa Mussa a.k.a Cloud 112 aliyetwaa tuzo ya uongozaji bora kupitia filamu yake ya SHAHADA ndani ya tamasha la 17 la ZIFF 2014.

Mtayarishaji wa filamu Swahiliwood, William Mtitu akimpokelea moja kati ya tuzo mbili za mwongozaji wa filamu ya SHAHADA Issa Mussa a.k.a Cloud 112 kutoka kwa Afisa Mtendaji Mkuu wa Wananchi Group ambao ndio wadhamini wakuu wa tamasha hilo kupitia brand ya ZUKU, Bw. Richard Bell. Tuzo ya pili ya Cloud 112 ilikuwa ni ya BEST FEATURE FILM kupitia filamu ya Shahada

LIFETIME ACHIEVEMENT AWARD iliende kwa Emerson Skeens Founder of ZIFF Awarded Posthumously.

Prof. Martin Mhando akikabidhi tuzo hiyo kwa mmoja wa wanafamilia wa Mwanzilishi wa tuzo za ZIFF marehemu Emerson Skeens.

Mwanafamilia wa Mwanzilishi wa tuzo za ZIFF marehemu Emerson Skeens akitoa shukrani baada ya kupokea hizo na kuwashukuru ZIFF kwa kutambua mchango wa ndugu yao.

Mmoja wa wageni waalikwa na familia yake wakifurahia kutolewa tuzo kwa Mwanzilishi wa ZIFF marehemu Emerson Skeens.

Mmoja wa majaji wa ZIFF, Wangeci Murage akikabidhi tuzo ya BEST FEATURE FILM (SILVER DHOW) kwa Malkia wa Filamu ya Espinho da Rosa (the Thorn of the rose) ADY de Batista.

ADY de Batista akipongezwa na jaji Mohammed Juma Ame mara baada ya kupokea tuzo hiyo ambayo ni ya pili.

Meneja wa ADY de Batista, Sholey Maqueta akiteta jambo na Mkurugenzi Mkuu wa ZIFF, Profesa Martin Mhando.

Mkurugenzi Mkuu wa ZIFF, Profesa Martin Mhando akimkabidhi CHAIRMAN’s AWARD kupitia documentary ya Sodiq iliyoandaliwa na Adeyemi Michael (UK).

ADY de Batista akilia jukwaani wakati anaenda kupokea tuzo yake ya tatu ndani ya tamasha la 17 la ZIFF lilitofikia tamati mwishoni mwa juma.

ADY de Batista akiongea kwa furaha baada ya kupokea tuzo hiyo na kuwashukuru waandaji wa tamasha la ZIFF pamoja na majaji waliofanikisha zoezi zima la tuzo hizo.

Afisa Mtendaji Mkuu wa Wananchi Group ambao ndio wadhamini wakuu wa tamasha hilo kupitia brand ya ZUKU, Bw. Richard Bell akikabidhi tuzo hiyo kwa Malkia wa Filamu ya Espinho da Rosa (the Thorn of the rose) kutoka Guinea Bissau ADY de Batista.

Malkia wa Filamu ya Espinho da Rosa (the Thorn of the rose) ya Filipe Henriques kutoka Guinea Bissau ADY de Batista na Meneja wake wakishuka jukwaani.

Meneja wa Tamasha la ZIFF, Daniel Nyalusi (Dean), akitambulisha timu nzima ilifanikisha kufana kwa tamasha hilo la 17 la ZIFF lililofikia ukingoni mwishoni mwa juma.

Meneja wa Tamasha la ZIFF, Daniel Nyalusi (Dean) akielezea kauli mbiu ya tamasha la ZIFF 2015 litakalofanyika tarehe 18 hadi 6 July mwakani.

Burudani mbalimbali zilitolewa kwenye tamasha la 17 la filamu la kimataifa la Zanzibar (ZIFF).

Baadhi ya wageni waalikwa wakiwamo waandishi wa habari waliohudhuria usiku maalum wa tuzo hizo.

Pichani juu na chini ni baadhi ya wageni waalikwa wakifuatilia yaliyokuwa yakijiri wakati wa halfa ya utoaji wa tuzo hizo.

Baadhi ya wageni waalikwa wakiserebuka kwenye jukwaa la ZIFF.

Washindi wa tuzo za ZIFF kwenye picha ya pamoja na Afisa Mtendaji Mkuu wa Wananchi Group ambao ndio wadhamini wakuu wa tamasha hilo kupitia brand ya ZUKU, Bw. Richard Bell.