NDOTO ZA ZANZIBAR KUSHIRIKI MICHUANO YA CAF ZAFUTIKA, YAVULIWA UANACHAMA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Shirikisho la Soka barani Afrika (CAF) limefanya maamuzi ya kuwavua uanachama chama cha soka cha Zanzibar ikiwa ni miezi minne toka kipewe uanachama na CAF kutoka kwa Rais aliyepita Issa Hayatou.

Rais wa CAF Ahmad Ahmad (pichani) amesema Zanzibar walipewa uanachama kimakosa na kama sheria zingepitiwa vizuri wasingepewa uanachama.

“Walipewa uanachama bila kupitia vizuri kanuni ambazo ziko wazi na zinaeleza kila kitu, kama kanuni na sheria zingepitiwa kiufasaha wasingepewa uanachama”, alisema.

Sababu kubwa ambayo CAF wameivua uanachama Zanzibar ni kutokana na kisiwa hicho kuwa ndani ya Tanzania ambao nao ni wanachama wa CAF.

“Jina la nchi linatokana na jina linaloandikwa katika umoja wa mataifa UN na Zanzibar katika umoja huo inafahamika ipo ndani ya nchi iitwayo Tanzania ambao ni wanachama wa CAF” alisema Ahmad.

Hilo ni pigo kubwa kwa Wazanzibari kwani wakati huu walikuwa wakipambana kupata uanachama wa FIFA ambao wameukosa na wa CAF nao pia wamekosa.

Kwa maana hiyo ndoto ya kisiwa cha Zanzibar kushiriki michuano ya CAF kama mwanachama zimekufa rasmi na sasa watakuwa wakishiriki michuano hiyo kama Tanzania (Zanzibar na Tanzania bara).

TAMASHA LA MICHEZO NA UTAMADUNI LA PEMBA WEEKEND BONANZA KUFANYIKA MWISHO WA MWEZI HUU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.



Na Ali O. Ali 
Kampuni ya Rafiki Network itafanya Tamasha la Michezo na Utamaduni linalojulikana kama “ Pemba Weekend Bonanza” litakalofanyika kisiwani Pemba kuanzia tarehe 28 hadi 30 Julai mwaka 2017. 
Taarifa ya kampuni hiyo imesema kwamba tamasha hilo litajumuisha matukio mbali mbali kama vile mchezo wa ng’ombe, resi za baiskeli, mashindano ya kuogelea na resi za ngalawa,  na kwamba miongoni mwa matukio, imeelezwa kwamba mchezo wa ng’ombe ambao utafanyika siku ya Ijumaa tarehe 28 Julai, 2017, majira ya alasiri katika viwanja vya skuli ya Chwale, Wilaya ya Wete, Mkoa wa Kaskazini Pemba. 
 Aidha, taarifa hiyo imebainisha kwamba resi za baiskeli ambazo zitafanyika kwa mizunguko miwili tafauti zitakuwa siku ya Jumamosi tarehe 29 na Jumapili tarehe 30 Julai katika maeneo na taratibu tofauti.
Taarifa hiyo imeeleza kuwa, Siku ya Jumamosi, tarehe 29 Julai, kutakuwa na resi za baiskeli hatua ya mchujo, zitakazofanyika kwa kujumuisha makundi matatu yanayokimbia kwa kupitia barabara tatu tafauti kiswani Pemba. 
Fainali za resi za baisikeli zitaanzia Uwanja wa Gombani hadi Vumawimbi, Makangale Pemba majira ya saa 1 kamili asubuhi. 
Taarifa imethibitisha kuwa kutakuwa na mashindano ya kuogelea baharini yatakayofanyika siku ya Jumapili tarehe 30 Julai 2017 katika fukwe za Vumamwimbi. Shindano hili litawashirikisha waogeleaji mbalimbali nchini ambapo washiriki wapatao 100 watachuana katika mpambano huu. Vile vile taarifa hiyo imesema kwamba kutakuwa na resi za ngalawa zitakazofanyika tarehe 30 Julai, 2017, pia katika fukwe za Vumawimbi Pemba. Shindano litashirikisha ngalawa takribani 20 kutoka maeneno mbali mbali Kiswaini Pemba kama vile Tumbe, Kiuyu, Msuka, Shumba Mjini, Mwambe na Mnarani. Kwa mujibu wa taarifa hiyo Tamasha hili limedhaminiwa na ZURA (Zanzibar Utility Regulatory Authority) na litarushwa hewani na kituo cha Televisheni cha AZAM ambao ni washirika wenza (Partners) wa Kampuni ya Rafiki Network.

BALOZI SEIF AKITAKA CHAMA CHA SKAUTI NCHINI KUWAELIMISHA VIJANA ILI WAJIKOMBOE KIUCHUMI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Makamu wa Pili wa Rais wa Zanzibar Balozi Seif Ali Iddi Kushoto akivishwa Skafu na Kijana Omar Amour Said wa Skauti nje ya Ukumbi wa Baraza la Wawakilishi wa zamani Kikwajuni Mjini Zanzibar kabla ya kuzungumza na Vijana wa Chama cha Sakauti Zanzibar. Kati kati yao ni Raius wa Chama cha Skauti Zanzibar ambae pia ni Waziri wa Elimu na Mafunzo ya Amali Zanzibar Mh. Riziki Pembe Juma.
Balozi Seif akiambatana na Rais wa Skauti Zanzibar Mh. Riziki Pembe Juma wakielekea ndani ya Ukumbi wa Mkutano kuzungumza na Vijana wa Skautio Zanzibar wanaotarajiwa kuondoka Zanzibar kuelekea Mkoani Dodoma katika maadhimisho ya Miaka 100 ya Skauti Tanzania.
Baadhi ya Makatibu wa Skauti wa Mikoa ya Unguja wakifuatilia Hotuba ya Balozi Seif ambaye hayuko pichani hapo katika Ukumbi wa zamia wa Baraza la Wawakilishi Kikwajuni Mjini Zanzibar.
Baadhi ya Skauti wa Zanzibar wakifuatilia Mkutano wa Chama hicho uliohutubiwa na Makamu wa Pili wa Rais wa Zanzibar Balozi Seif Ali Iddi uliokuwa wa matayarisho ya mwisho wa Vijana wake kujiandaa kuelekea Dodoma katika Tamasha la Miaka 100 ya Skauti Tanzania.

 
Makamu wa Pili wa Rais wa Zanzibar Balozi Seif Ali Iddi amesema wakati umefika kwa Chama cha Skauti Nchini kuongeza nguvu za kuwaelimisha Vijana wenzao hasa walioko Vijijini ili wajikomboe kupenda kujishughulisha na kazi au miradi ya ujasiri amali.

Alisema Vijana wengi wamekuwa na tabia ya kujihusisha na vigenge vya kihuni mitaani vinavyopelekea kujiingiza katika matumizi ya dawa za kulevya wizi pamoja na vitendo vya kudhalilisha watoto wanawake na watu wenye mahitaji Maalum.


Balozi Seif Ali Iddi alitoa Kauli hiyo wakati akizungumza na Vijana wa Chama cha Skauti Zanzibar wanaojiandaa kuelekea Mkoani Dodoma kushiriki Tamasha la Wiki Moja la Maadhimisho ya Miaka 100 ya Skauti Tanzania hapo katika Ukumbi wa zamani wa Baraza la Wawakilishi Kikwajuni Mjini Zanzibar.


Alisema zipo fursa nyingi za ajira zinazopatikana katika Sekta ya Utalii ambazo Vijana endapo wataamua kuzichangamkia zinaweza zikawapatia kipato kwa kutumia soko la bidhaa zinazotokana na kilimo cha mboga mboga na mazao ya Baharini.

Balozi alifahamisha kwamba Uskauti kwa vile hauna mafungamano ya itikadi ya Kisiasa wala Dini unalengo la kuwaunganisha Vijana katika harakati zao za kimaisha kupitia misingi ya kujenga Utaifa wao.


Makamu wa Pili wa Rais wa Zanzibar alisisitiza umuhimu wa vijana wa Skauti kufundishwa mbinu na mafunzo ya kuogelea na kuzamia kutokana na majukumu yao yaliyowazuunguka ya kuwa wao ni miongoni mwa Taasisi zinazotoa huduma wakati yanapotokea maafa au majanga.


Balozi Seif alielezea kuridhika kwake na Kanuni 10 za Skauti zinazoelekeza uzalendo unaojenga Taifa lenye Wananchi wanaopendana na kuwa na nguvu za kukabiliana na changamoto zinazowazunguuka katika misingi ya nidhamu na uwajibikaji.


Mapema Kamishna Mkuu Msaidizi wa Chama cha Skauti Zanzibar Maalim Suleiman Takadir alisema Skauti iliasisiwa Zanzibar mnamo mwaka 1912 na Mwaka 1917 ikaanzishwa upande wa Tanzania na kufifia katika miaka ya 60.


Maalim Takadir alisema Chama hicho kilianzishwa tena Mwaka 1992 chini ya Rais wa Awamu ya Tano Dr. Salmin Amour ili kufufua ari ya kuwajenga Vijana katika uzalendo.


Alisema Chama cha Skauti kimejiwekea Kanuni Kumi zinazoiongoza Taasisi hiyo ikiwa ni pamoja na kuaminika, adabu, huruma, utiifu, uchangamfu, uadilifu pamoja na usafi wa vitendo.


Akizungumzia changamoto zinazokikabili chama hicho cha Skauti Zanzibar Kamishna Mkuu Msaidizi huyo wa Skauti Zanzibar alizitaja kuwa ni pamoja na ukosefu wa Ofisi ya kufanyia kazi pamoja na uwanja wa kufanyia mazoezi kwa Vijana wake.
 
Maalim Takadir aliwaomba Wakuu wa Mikoa na Wilaya Nchini kufanya kazi kwa karibu na Makamishna wa Skauti wa Mikoa ili kufanikisha malezi ya vijana katika maeneo hayo.

Akitoa salamu Rais wa Chama cha Skauti Zanzibar ambae pia ni Waziri wa Elimu na Mafunzo ya Amali Zanzibar Mh. Riziki Pembe Juma amemshukuru Rais Mstaafu wa Zanzibar wa Awamu ya Tano Dr. Salmin Amour kwa busara zake za kuifufua tena Skauti Zanzibar.


Waziri Riziki alisema ule ukakamavu unaoonyeshwa na Vijana Skauti katika matendo yao ya kila siku yamewawezesha kuwa na nguvu za mawazo na kiakili zinazowasababishia kufanya vizuri katika masomo na mitihani yao.


Alisema Wizara ya Elimu na Mafunzo ya Amali Zanzibar ina wajibu wa kutoa Elimu na malezi kwa Watoto wote bila ya ubaguzi ambao ni wajibu wa lazima na sio wa kupendelea.


Timu ya Vijana hao walioteuliwa 40 wa Skauti Zanzibar wanaondoka Visiwani kesho kuelekea Mkoani Dodoma kushiriki Wiki ya Tamasha la kuadhimisha Miaka 100 ya Skauti Tanzania.

Na.Othm,an Khamis Ame
Ofisi ya Makamu wa Pili wa Rais wa Zanzibar

WAZEE WAKUMBUKWA ZANZIBAR

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 



 Na. MWAJUMA JUMA-ZANZIBAR

Mabadiliko ya kweli katika mifumo ya kanuni na sheria yatategemea kwa kiasi gani wazee wataweza kuyachukulia kuhakikisha inawapeleka wanapotaka, imeelezwa.

Mkurugenzi wa Shirika la Kimataifa la Kusaidia Wazee, Smart Daniel aliyaeleza hayo katika mafunzo ya siku tatu ya wazee kuhusu pensheni ya jamii, hali stahiki na namna ya kuzifikia programu na huduma za hifadhi ya jamii kwa wazee.


Alisema hatua hiyo itafikiwa iwapo taarifa hizo zitatumiwa kwa kushirikiana kwa karibu kati ya wazee hao na Serikali.
Hata hivyo, alisema Zanzibar imekuwa nchi ya mfano katika suala zima la kuwahifadhi wazee ikiwa ni pamoja na kuwapatia pensheni kila mwisho wa mwezi.

Alisema ingawa kiasi hicho ni kidogo, nchi nyingi za Afrika zimekuwa zikiiga kupitia kwao.

“Jambo la msingi ni kujipanga na kuona kwa kiasi gani wazee hao wanakuwa na ushirikiano na Serikali kuona penye kasoro panarekebishwa,” alisema.

Hata hivyo alisema Serikali kuu imekuwa ikijitahidi lakini changamoto ipo kwa ngazi za chini.

Alisema ni jukumu la wazee kuona kila jambo ambalo wanataka wakae na kushauriana na baadaye taarifa ziweze kufikisha kunakohusika kinyume chake hawataweza kufikia malengo.

Alisema shirika lao limeamua kufanya Tanzania kuwa mwenyeji wa mouton Novemba ikiwa na lengo la kusherehekea nchi ndogo kama Zanzibar kufanya jambo kubwa kwa wazee wake 

Chanzo Mtanzania

MAKAMU WA PILI WA RAIS WA ZANZIBAR BALOZI SEIF ALI AZUNGUMZA NA BALOZI WA TANZANIA NCHINI UINGEREZA OFISINI KWAKE VUGA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Balozi wa Tanzania Nchini Uingereza na Ireland Dr. Asha Rose Migiro kushoto akisalimiana na Makamu wa Pili wa Rais wa Zanzibar Balozi Seif Ali Iddi aliyefika kumtaarifa uwepo wa Kongamano la Uwekezaji katika Sekta ya Biashara na Uchumi kati ya Nchi hizo mbili.
Makamu wa Pili wa Rais wa Zanzibar Balozi Seif Ali Iddi Kulia akimkaribisha Balozi wa Tanzania Nchini Jamuhuri ya Watu wa China Balozi Mbelwa Kairuki kuzungumzia fursa za uwekezaji zinaweza kupatikana China kwa ajili ya Zanzibar.
Balozi wa Tanzania Nchini Jamuhuri ya Watu wa China Balozi Mbelwa Kairuki akimuelezea Balozi Seif  fursa za uwekezaji zinazoweza kupatikana  Nchini China kwa ajili ya Zanzibar.(Picha na – OMPR – ZNZ.)

Na. Othman Khamis OMPR.
Balozi wa Tanzania Nchini Uingereza na Ireland Dr. Asha Rose Migiro amesema Serikali ya Uingereza kwa kushirikiana na Ubalozi wa Tanzania Nchini humo na Ireland unatarajiwa kuandaa Kongamano la Uwekezaji katika masuala ya Biashara na Uchumi litakalotoa nafasi kwa Wawekezaji wa Nchi hiyo kuangalia fursa za kuwekeza Nchini Tanzania.

Hata hivyo alisema Kongamano hilo linatarajiwa kufanyika mwaka huu ingawa hadi sasa bado hayajafikiwa maamuzi ya sehemu  gani litakapofanyika Kongamano hilo kati ya Tanzania au Uingereza.

Balozi Asha Rose Migiro alieleza hayo wakati akizungumza na Makamu wa Pili wa Rais wa Zanzibar Balozi Seif Ali Iddi Vuga Mjini Zanzibar kumpa taarifa ya uwepo wa Kongamano hilo.

Alisema maandalizi ya awali yameanza kuchukuliwa kwa kukutana na washirika wa suala hilo wakianzia upande wa Zanzibar ili maeneo ambayo Zanzibar itahitaji kutumia fursa ya kujitangaza kwenye Kongamano hilo.

Balozi Migiro alifahamisha kwamba mipango iliyowekwa na Mamlaka ya Uwekezaji Vitega Uchimi Zanzibar {ZIPA}, Sekta za Kilimo, Utalii pamoja na Jumuiya ya ZATO iliyomo kwenye Mpango  Mkuu wa Taifa wa kupunguza Umaskini Zanzibar {MKUZA} awamu ya Tatu imeonyesha mwanga wa kufanikisha azma hiyo njema.

Zanzibar ni Visiwa vinavyojitangaza vyenyewe Duniani kutokana na historia yake ya Kibiashara  Kimataifa kwa karne nyingi zilizopita kiasi kwamba sifa hizo zinastahiki ziendelezwe kwa manufaa ya Wananchi wake.

Akitoa shukrani zake Makamu wa Pili wa Rais wa Zanzibar Balozi Seif Ali Iddi aliupongeza mpango huo utakaosaidia kufungua ukurasa mpya wa Kiuchumi na Kibiashara kati ya Tanzania na Uingereza na Ireland kwa ujumla.

Balozi Seif alisema Wawekezaji kutoka Uingereza na Ireland wanaweza kuangalia maeneo ya kuwekeza Visiwani Zanzibar hasa katika Sekta ya Mafuta na Gesi Asilia pamoja na uvuvi wa Habari kuu kwa vile wameshapiga hatua kubwa ya maendeleo katika maeneo hayo.

Mapema asubuhi Makamu wa Pili wa Rais wa Zanzibar Balozi Seif  alikutana kwa mazungumzo na Balozi wa Jamuhuri ya Muungano wa Tanzania Nchini Jamuhuri ya Watu wa China Balozi Mbelwa Kairuki  aliyefika kumuelezea fursa mbali mbali zilizopo Nchini China ambazo Zanzibar inaweza kuzichangamkia.

Katika Mazungumzo hayo Balozi Mbela Kairuki alisema Zanzibar  inastahiki kwenda mbali zaidi katika ushirikiano wake na Majimbo mbali mbali ya  Jamuhuri ya Watu wa China katika  juhudi za kuimarisha Uchumi wake.

Balozi Kairuki alimueleza Makamu wa Pili wa Rais wa Zanzibar kwamba mawazo ya kufikiria Beijing itamaliza kila kitu kwa sasa yamepitwa na wakati kwa vile Serikali Kuu yenyewe ya Nchi hiyo imekabiliwa na mambo mengi inayostahiki kuyatekeleza kwanza kabla ya kufikiria kutoa misaada kwa marafiki zake. 

Alisema Majimbo la Jamuhuri ya Watu wa China yamefanikiwa kuwa na uwezo mkubwa Kiuchumi pamoja na njanja nyingi za Uwekezaji kiasi kwamba endapo Zanzibar itafanikiwa kutumia nafasi hizo inaweza kupiga hatua za haraka za maendeleo.

Alisema Sekta ya Utalii ni eneo pana linaloweza kufanikisha Uchumi wa Zanzibar katika kuwakaribisha Wawekezaji pamoja na Watalii kutoka China  ambao bado hawajatumia vilivyo soko la Afrika.

Balozi Kairuki alieleza kwamba  China hivi sasa iko katika kiwango kikubwa cha uwekezaji Duniani katika Sekta ya Utalii sambamba na Wananchi wake kupenda kutembea Nchi mbali mbali Duniani nafasi ambayo inaweza kulitononosha Taifa   iwapo kasi hiyo itaelekezwa Zanzibar.

Naye kwa upande wake Makamu wa Pili wa Rais wa Zanzibar Balozi Seif   Ali Iddi alizipongeza juhudi kubwa zinazochukuliwa na Balozi Kairuki katika kutafuta fursa za Uwekezaji Nchini China kwa ajili ya Zanzibar.

Balozi Seif alimuhakikishia Balozi Kairuki kwamba Serikali ya Mapinduzi ya Zanzibar itajitahidi kuchangamkia  fursa hizo katika azma yake ya kuimarisha Uchumi na ustawi wa Wananchi wake.

Hata hivyo Makamu wa Pili wa Rais wa Zanzibar alisema bado wapo baadhi ya Watendaji wenye dhamana ya kutoa maamuzi wamekuwa na  urasimu  wa kuchelewesha miradi na hatimae Wawekezaji walioamua kuweka vitega uchumi vyao 
Nchini kukata tamaa na kuondoka Nchini.

Balozi Seif alitahadharisha wazi kwamba urasimu ni kitendo kibaya kinachoviza Maendeleo na kudumaza Uchumi wa Taifa.
 

MAFUNZO YA SIKU TATU YA KILIMO CHA MBOGAMBOGA NA MATUNDA WILAYA YA MICHEWENI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Mkurugenzi wa Idara ya Elimu, Maandalizi na Msingi Zanzibar Bi Safia Ali Rijali akizindua rasmi mafunzo ya siku tatu ya kilimo  cha mbogamboga na matunda yaliyoanza Jumatatu tarehe 17/07/2017 Skuli ya Makangale Wilaya ya Micheweni Mkoa wa Kaskazini Pemba.
 Bw. Omar Abubakar akielezea changamoto mbalimbali zinazoweza kujiokeza kaika kilimo cha kibiashara cha mbogamboga na matunda na jinsi ya kukabiliana nazo.
 Bw. Omar Abubakar akionesha kwa vitendo jinsi ya kuatika mbegu  kitaalamu kwa matarajio ya matokeo bora.
 Bw. Omar Abubakar akionesha kwa vitendo jinsi ya kupima masafa yatakayotumika kuandaa matuta ambayo yataunganishwa na mipira maalumu ya umwagiliaji kwa njia ya matone.
Wanafunzi wa Skuli za Makangale, Mgogoni na Mkia wa Ng’ombe wakiwa katika harakati za kuandaa matuta.

Picha zote na Ali Othman

DKT.MABODI: ASHIRIKI MAZISHI YA WATOTO WANNE WALIOFARIKI JANA KTK BAADA YA KUJIFUNGIA NDANI YA GARI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Na Is-haka Omar, Zanzibar. 

Naibu Katibu Mkuu wa CCM Zanzibar Dkt. Abdulla Juma Saadalla ‘Mabodi’ ameshiriki katika mazishi ya watoto wanne waliofariki dunia  jana (juzi) baada ya kuingia kwenye gari iliyokuwa sehemu ya maegesho na likajifunga hali iliyopelekea watoto hao kukosa hewa na kufariki huko Kidongo Chekundu Unguja.  
 
Marehemu hao waliotambuliwa kwa majina ya Mwatma Mohamed Malawi (2), Haisam Mustafa(2), Munawar Ahmed Khamis (3) na Muslim Hamza bakar (2) wote wamezikwa leo katika maeneo tofauti ya Makaburi ya Mwanakwere na Kiembe samaki Mbuyu Mnene Unguja. 
 
Akizungumza mara baada ya maziko hayo Naibu Katibu huyo huko katika makaburi ya Mwanakwerekwe, alisema CCM imepokea kwa masikitiko na mshituko mkubwa taarifa ya vifo vya watoto hao na inatoa mkono wa pole kwa ndugu, jamaa na marafiki wa familia zilizopata msiba huo na kuwasihi waendelee kuwa wavumilivu kwa kipindi hiki cha msiba huo.
 
Alisema watoto hao walitarajiwa kuwa ni miongoni mwa viongozi na wataalamu wa fani mbali mbali wa baadae hivyo msiba huo umeacha pengo kubwa  kwa familia na taifa kwa ujumla.
 
Aidha Dkt. Mabodi aliwataka wazazi na walezi nchini kuwa karibu na watoto wao kwa kuhakikisha mazingira yanayotumiwa na watoto kucheza yanakuwa katika hali ya usalama ili kuepuka athari zinazoweza kusababisha majeraha ama vifo kwa watoto wao.
 
“ Kwa niaba ya CCM Zanzibar nawaomba wanafamilia wote wawe wavumilivu kwa kipindi hichi cha msiba huku vyombo vya ulinzi na usalama vikiendelea kufanya uchunguzi wa kina juu ya kubaini chanzo halisi cha vifo hivi na kutoa taarifa kwa umma.”, alisema Dkt. Mabodi.
 
Wakizungumza kwa nyakati tofauti baadhi ya ndugu na wazazi wa marehemu hao walifafanua kuwa (jana) juzi majira saa 5:00 asubuhi watoto hao walikuwa wakicheza katika maeneo ya nyumbani kwao ghafla hawakuonekana mtaani hali iliyozusha hofu kwa familia za watoto wao na wakachukua juhudi za kuwatafuta katika maeneo mbali mbali hasa katika bandari na maeneo mengine kwa kuhofia kuwa wameibiwa na watu wasiojulikana.
 
Akieleza zaidi Bw. Ahmed Khamis ambaye ni baba mzazi wa mtoto aliyefariki  ambaye ni Munawar, alidai kuwa katika harakati za kuwatafuta watoto hao walifanikiwa kuwapata  majira ya saa 2:00 usiku wa july 16, Mwaka huu wakiwa ndani ya gari moja lililokuwa limeegeshwa katika maegesho ya gari za mtaani ambalo mmiliki wake aliliweka kwa muda mrefu na alikuwa amesafiri.
 
Bw. Ahmed alieleza kwamba baada ya hapo yeye kwa kushirikiana na majirani mbali mbali walishirikiana kuvunja milango ya gari hilo na kufanikiwa kuwatoa watoto hao wakiwa wamezimia na kupelekwa hospitali kuu yaMnazi Mmoja ambapo baada ya kufanyiwa vipimo na madaktari wakaambiwa kuwa tayari wamefariki dunia kutokana na kukosa hewa kwa muda mrefu.
 
Kwa mujibu wa maelezo ya shuhuda mmoja aliyehusika na harakati za kuwatoa watoto ndani ya gari walipokutwa wamefariki alisema mazingira yake yanaonyesha kuwa kabla ya watoto hao kufariki walikuwa wakichezea gari hilo na walipoingia ndani mlango ulijifunga na kushindwa kutoka nje hali iliyosababisha kukosa hewa na kufariki dunia.
 
Viongozi mbali mbali wa serikali na Chama Cha Mapinduzi waliudhuria katika mazishi hayo wakiwemo Katibu wa Kamati Maalum, Idara ya Itikadi na Uenezi CCM Zanzibar, Bi. Waride Bakari Jabu, Mbunge wa Jimbo la Jang’ombe  Ali Hassan Omar ‘King’ na  Waziri wa Kazi,uwezeshaji, wazee, vijana wanawake na watoto Maudline Castico.

NAIBU KATIBU MKUU CCM ZANZIBAR, AKABIDHI KOMBE KWA MSHINDI WA MASHINDANO YA MASAUNI - JAZEERA CUP

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
 Mgeni Rasmi ambaye pia ni Naibu Katibu Mkuu wa CCM Zanzibar, Dkt.Abdulla Juma Saadala, akimkabidhi kombe Nahodha wa timu ya Kundemba FC,Mohamed Haji Shaibu, baada ya kuibuka mshindi katika  mashindano ya Masauni - Jazeera Cup.Katikati ni Mbunge wa Jimbo la Kikwajuni, Mhandisi Hamad Masauni.Mchezo huo ulimalizika kwa mikwaju ya penati 8-7 iliyopelekea timu ya Kundemba FC  kuibuka bingwa dhidi ya Kilimani Maghorofani.Mchezo huo ulifanyika katika viwanja vya Mnazi Mmoja, Visiwani Zanzibar. Picha na Abubakari Akida
 Mgeni Rasmi ambaye pia ni Naibu Katibu Mkuu wa CCM Zanzibar Dkt.Abdulla Juma Saadala, akimkabidhi zawadi ya viatu  mchezaji bora wa mashindano ya Masauni - Jazeerah Cup,Shabani Makuka.Kushoto ni Mwakilishi wa Jimbo la Kikwajuni, Nassor Saleh Jazeera na watatu ni Mbunge wa jimbo hilo,Mhandisi Hamad Masauni.Mchezo huo ulimalizika kwa mikwaju ya penati 8-7 iliyopelekea timu ya Kundemba FC  kuibuka mshindi  dhidi ya Kilimani Maghorofani, mchezo huo ulifanyika katika viwanja vya Mnazi Mmmoja,Visiwani Zanzibar.Picha na Abubakari Akida
 Mwamuzi Bora wa Mashindano ya Masauni - Jazeera Cup, Ramadhani Khamis Kombo akipokea zawadi kutoka kwa Mgeni Rasmi ambaye pia ni Naibu Katibu Mkuu wa CCM Zanzibar, Dkt.Abdulla Juma Saadala,b aada ya kumalizika kwa mchezo wa fainali kati ya timu ya Kundemba FC na Kilimani Maghorofani.Mchezo huo ulifanyika katika Viwanja vya Mnazi Mmoja,Visiwani Zanzibar.Picha na Abubakari Akida
 Nahodha wa timu ya Kundemba FC, Mohamed Haji Shaibu, akipokea zawadi ya mshindi wa kwanza  wa mashindano ya Masauni-Jazeera Cup  kutoka kwa Mgeni Rasmi ambaye pia ni Naibu Katibu Mkuu wa CCM Zanzibar , Dkt.Abdulla Juma Saadala.Kushoto ni Mwakilishi wa Jimbo la Kikwajuni, Nassor Saleh Jazeera na watatu ni Mbunge wa jimbo hilo, Mhandisi Hamad Masauni .Picha na Abubakari Akida
 Nahodha wa timu ya Kundemba FC, Mohamed Haji Shaibu, akipokea zawadi ya mshindi wa kwanza  wa mashindano ya Masauni-Jazeera Cup  kutoka kwa Mgeni Rasmi ambaye pia ni Naibu Katibu Mkuu wa CCM Zanzibar , Dkt.Abdulla Juma Saadala.Kushoto ni Mwakilishi wa Jimbo la Kikwajuni, Nassor Saleh Jazeera na watatu ni Mbunge wa jimbo hilo, Mhandisi Hamad Masauni .Picha na Abubakari Akida
 Mgeni Rasmi ambaye pia ni Naibu Katibu Mkuu wa CCM Zanzibar, Dkt.Abdulla Juma Saadala, akizungumza na wananchi (hawapo pichani), waliofika kuangalia mchezo wa fainali wa mashindano ya Masauni - Jazeera Cup.Kushoto ni Mbunge wa Jimbo la Kikwajuni,Mhandisi Hamad Masauni.Mchezo huo ulimalizika kwa mikwaju ya penati 8-7 iliyopelekea timu ya Kundemba FC  kuibuka bingwa dhidi ya Kilimani Maghorofani,uliofanyika katika viwanja vya Mnazi Mmmoja, Visiwani Zanzibar.Picha na Abubakari Akida
 Mgeni Rasmi ambaye pia ni Naibu Katibu Mkuu wa CCM-Zanzibar,Dkt.Abdulla Juma Saadala, akizungumza na vyombo vya habari baada ya  mchezo wa fainali wa mashindano ya Masauni - Jazeera Cup. Wapili kushoto ni Mwakilishi wa Jimbo la Kikwajuni,Nassor Saleh Jazeera na wanne ni Mbunge wa jimbo hilo Mhandisi Hamad Masauni.Mchezo huo ulimalizika kwa mikwaju ya penati 8-7 iliyopelekea timu ya Kundemba FC  kuibuka bingwa dhidi ya Kilimani Maghorofani katika viwanja vya Mnazi Mmoja, Visiwani Zanzibar.
Wachezaji na mashabiki wa timu ya Kundemba FC, wakishangilia kuibuka mabingwa wa mashindano ya Masauni - Jazeera Cup, baada ya kuifunga timu ya Kilimani Maghorofani kwa ushindi wa mikwaju ya penati 8-7.Mchezo huo ulifanyika katika Viwanja vya Mnazi Mmoja,Visiwani Zanzibar

DKT. MABODI SHEHIA YA KWALE PEMBA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

JUMUIYA YA MADOLA YA WAPIGA MSASA WABUNGE KUTOKA NCHI 16.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Wajumbe wa Bunge la Umoja wa Bunge la Jumuiya ya Madola wakiwa katika picha ya pamoja kabla ya kuaza kwa Mafunzo ya wiki moja yalioandaliwa na Bunge hilo, katika mafunzo hayo Bunge la Jamuhuri ya Muungano wa Tanzania limewakilishwa na Naibu Spika Dr. Tulia Ackson na Baraza la Wawakilishi Zanzibar limewakilishwa na Mwakilishi wa Jimbo la Tunguu Zanzibar Mhe Simai Mohammed Said.
Naibu Spika wa Jamhuri ya Muungano Dr Tulia Ackson pamoja na Mwakilishi wa Jimbo la Tunguu Simai Mohammed Said wakishiriki katika masomo ya wiki pamoja huko Afrika Kusini University of Wits ambapo jumla ya Wabunge kutoka nchi 16 kutoka Jumuiya za Madola wameshiriki masomo hayo. 
Mwakilishi wa Jimbo la Tunguu Zanzibar Mhe Simai Mohammed Said akiwasilisha kazi ya kikundi wakati wa mafunzo hayo ya wiki moja yanayofanyika Nchini Afrika Kusini yalioandaliwa na Umoja wa Bunge la Jumuiya ya Madola, akieleza kuhusiana na umuhimu wa kamati za kudumu za mabunge ya Jumuiya Madola kuelekea karne 21. 

Kutoka kushoto ni Mbunge kutoka India Ajay Misra, Naibu Spika Tanzania Dr Tulia Ackson, Seneta kutoka Jamaica Charles Pearnel na Mussa Dlamini Swaziland. Masomo hayo yanafanyika Johanessberg University of Witwatersrand kwa wiki moja na kudhaminiwa na Commonwealth Wealth. 
Wawakilishi kutoka Bunge la Jamhuri ya Muungano wa Tanzania Naibu Spika Dr.Tulia Ackson pamoja Simai Mohammed Said kutoka Baraza la Wawakilishi Zanzibar wakiwa masomomi South Africa University of Witwatersrand wakibadilishana mawazo na Mbunge wa Swaziland Mhe Mussa Dlamini
Naibu wa Spika wa Jamhuri ya Muungano Dr Tulia Ackson akisikilizwa kwa umakini na washiriki wenzake. Kutoka kushoto Mhe.Simai Mohammed Said ( Zanzibar ) Pearnel Charles Junior ( Jamaica) Mussa Dlamini ( Swaziland ) na Ajay Misra ( India).
Waheshimiwa Wabunge wa Nchi za Jumuiya ya Madola wakiwa katika mafunzo  Nchini South Africa. wakifuatilia mafunzo hayo kwa makini. 
Wajumbe kutoka Mabunge ya nchi za Jumuiya ya Madola ( Commonwealth Countries) wakitembelea Mahakama ya Katiba ( Constitutional Court ) katika mji wa Johannesburg.
Mwakilishi wa Baraza la Wawakilishi Zanzibar  Jimbo la Tunguu Zanzibar Mhe. Simai Mohammed Said (katikati) akiwa katika picha ya pamoja na Washiriki wa mafunzo hayo kutoka  kushoto  Mbunge wa Jamaica.Mhe.Heroy Clarke ( MP), Charles Pearnel Seneta pia akiwa Waziri wa Mambo ya ndani Jamaica, Stewart Michael ( MP) na Victor Wright ( MP ). 
Mjumbe kutoka Jumuiya ya Madola pia akiwa Mwakilishi kutoka Baraza la Wawakilishi Zanzibar Mhe Simai Mohammed Said akibadilishana mawazo na Profesa David Everatt ambaye ni Kiongozi wa Skuli ya Utawala katika University of Wits, South Afrika. 
Naibu Spika wa Bunge la Jamhuri ya Muungano wa Tanzania Dr.Tulia Ackson akitoa nasaha zake za shukrani kwa niaba ya Wabunge kutoka nchi za Jumuiya ya Madola walioshiriki mafunzo hayo yaliofanyika katika ukumbi wa University of Witwaterstrand, Johannesburg South Africa.
 
Support by Tone multimedia company Limited
Copyright © 2012. Zanzibar Yetu - All Rights Reserved
Designed by by Fredy Tony Njeje
Proudly powered by Blogs za Mikoa