NA IS-HAKA OMAR, ZANZIBAR.
CHAMA
Cha Mapinduzi (CCM) Zanzibar kimesema wakati wa kuvumilia baadhi ya
Viongozi, watendaji na Wanachama wanaowachafua na kuwakashfu wenzao
kupitia mitandao ya kijamii umekwisha badala yake kinaandaa taratibu za
kuwachukulia hatua kali za kinidhamu wanaohusika na vitendo hivyo.
Msimamo huo ameutoa Naibu Katibu Mkuu wa Chama hicho Zanzibar, Vuai Ali Vuai wakati akizungumza na viogozi, watendaji na wafuasi wa chama hicho wa Jimbo la Malindi katika ziara ya Siku 10 ya kuimarisha CCM katika Mkoa Mjini Kichama.
Amesema CCM kwa sasa inaandaa utaratibu kupitia vikao vyake vya kikanuni kuwahita baadhi ya viongozi wanaotuhumiwa kuhusika na tabia hizo ili kuwahoji na kuwapa nafasi ya kujitetea ili vikao vinavyosimamia maadili viweze kuchukua hatua za kinidhamu kwa watakaokutwa na hatia.
Vuai alieleza kuwa taasisi hiyo imekuwa ikitoa onyo na tahadhari za mara kwa mara ili watu wenye tabia hizo waache lakini baadhi yao wamekuwa hawataki kubadilika, hali ambayo haiwezi kuvumiliwa kwa nia ya kulinda heshima na hadhi ya CCM na serikali zilizopo madarakani.
Naibu Katibu Mkuu huyo alitoa ufafanuzi huo kufuatia kusambazwa kwa habari za upotoshaji katika mitandao ya kijamii zilizokuwa zikidai kuwa Rais wa Zanzibar Dkt.Shein amevunja Baraza la Wawakilishi, hali iliyosababisha baadhi ya viongozi na wanachama wa CCM kuandika maneno yasiyofaa kwa kuwashutumu viongozi wenzao ndani ya chama hicho kinyume na utaratibu.
Alitoa wito kwa wafuasi wa CCM na Wananchi kwa ujumla kufahamu kuwa Chama na Serikali ni mamlaka Kuu za nchi hivyo zina utaratibu wake maalum wa kutoa taarifa mbali mbali ambao ni rasmi na sio kupitia mitandao ya kijamii.
“ CCM ni Chama kinachoongozwa na Katiba , maadili na taratibu hivyo kila jambo lina utaratibu wake na hata suala la kukosoana ni lazima tufuate miongozo ya kikanuni lakini sio kudhalilishana katika mitandao ya kijamii na sehemu zingine zisizofaa kujadiliwa masuala ya Chama.
Kama hatujawachukulia hatua stahiki watu wanaokiuka miongozo yetu ya Chama kuna hatari ya kutugawa na yawezekana wanatumiwa na vyama vya upinzani kutengeneza mpasuko, na mimi nikiwa ni mtendaji mkuu wa CCM Zanzibar sitowavumilia tena. “, alifafanua Vuai.
Aidha amewasihi wafuasi wa Chama hicho kuwa na tahadhari juu taarifa za upotoshwaji zinazotolewa na vikundi vinavyoandaliwa na vyama vya upinzani kwani zina nia ya kuwagawa wafuasi wa Chama hicho ili washughulikie propaganda hizo badala ya kujiandaa na Uchaguzi wa Chama unaotarajia kufanyika mwaka huu.
Alisema kuwa baada ya Chama Cha Wananchi CUF kususia Uchaguzi wa marudio na kushindwa kurudi serikali kwa sasa wamekuwa wakitumia njia nyingine ya kuwaaminisha uongo na kuwahadaa wafuasi wao mambo ambayo sio sahihi kupitia mitandao ya kijamii.
Alilitaka Jeshi la Polisi Zanzibar kuwatafuta watu wanaomiliki na kusambaza taarifa za uongo kupitia mitandao ya kijamii kwa lengo la kuwachukulia hatua za kisheria kabla hawajaingiza nchi katika machafuko.
Akizungumzia maandalizi ya Uchaguzi wa Chama hicho na Jumuiya zake na kuwataka wafuasi wa CCM kujitokeze kwa wingi kuwania nafasi mbali mbali zinazogombewa ili wapate kuchagua na kuchaguliwa kwa misingi ya kidemokrasia.
Sambamba na hayo amewashauri wafuasi hao kupokea kwa nia njema mabadiliko yanayofanyika ndani ya CCM kwani lengo lake ni kutengeneza taasisi imara itakayokuwa na nguvu kubwa kiuchumi na kisiasa.
Hata hivyo ametoa Rai kwa Viongozi wa Chama na Jumuiya kujenga mazoea ya kuwatembelea wanachama wao kuanzia ngazi za chini za taasisi hiyo kwa lengo la kujadili changamoto zinazowakabili wananchi ili zipatiwe ufumbuzi unaofaa.
Msimamo huo ameutoa Naibu Katibu Mkuu wa Chama hicho Zanzibar, Vuai Ali Vuai wakati akizungumza na viogozi, watendaji na wafuasi wa chama hicho wa Jimbo la Malindi katika ziara ya Siku 10 ya kuimarisha CCM katika Mkoa Mjini Kichama.
Amesema CCM kwa sasa inaandaa utaratibu kupitia vikao vyake vya kikanuni kuwahita baadhi ya viongozi wanaotuhumiwa kuhusika na tabia hizo ili kuwahoji na kuwapa nafasi ya kujitetea ili vikao vinavyosimamia maadili viweze kuchukua hatua za kinidhamu kwa watakaokutwa na hatia.
Vuai alieleza kuwa taasisi hiyo imekuwa ikitoa onyo na tahadhari za mara kwa mara ili watu wenye tabia hizo waache lakini baadhi yao wamekuwa hawataki kubadilika, hali ambayo haiwezi kuvumiliwa kwa nia ya kulinda heshima na hadhi ya CCM na serikali zilizopo madarakani.
Naibu Katibu Mkuu huyo alitoa ufafanuzi huo kufuatia kusambazwa kwa habari za upotoshaji katika mitandao ya kijamii zilizokuwa zikidai kuwa Rais wa Zanzibar Dkt.Shein amevunja Baraza la Wawakilishi, hali iliyosababisha baadhi ya viongozi na wanachama wa CCM kuandika maneno yasiyofaa kwa kuwashutumu viongozi wenzao ndani ya chama hicho kinyume na utaratibu.
Alitoa wito kwa wafuasi wa CCM na Wananchi kwa ujumla kufahamu kuwa Chama na Serikali ni mamlaka Kuu za nchi hivyo zina utaratibu wake maalum wa kutoa taarifa mbali mbali ambao ni rasmi na sio kupitia mitandao ya kijamii.
“ CCM ni Chama kinachoongozwa na Katiba , maadili na taratibu hivyo kila jambo lina utaratibu wake na hata suala la kukosoana ni lazima tufuate miongozo ya kikanuni lakini sio kudhalilishana katika mitandao ya kijamii na sehemu zingine zisizofaa kujadiliwa masuala ya Chama.
Kama hatujawachukulia hatua stahiki watu wanaokiuka miongozo yetu ya Chama kuna hatari ya kutugawa na yawezekana wanatumiwa na vyama vya upinzani kutengeneza mpasuko, na mimi nikiwa ni mtendaji mkuu wa CCM Zanzibar sitowavumilia tena. “, alifafanua Vuai.
Aidha amewasihi wafuasi wa Chama hicho kuwa na tahadhari juu taarifa za upotoshwaji zinazotolewa na vikundi vinavyoandaliwa na vyama vya upinzani kwani zina nia ya kuwagawa wafuasi wa Chama hicho ili washughulikie propaganda hizo badala ya kujiandaa na Uchaguzi wa Chama unaotarajia kufanyika mwaka huu.
Alisema kuwa baada ya Chama Cha Wananchi CUF kususia Uchaguzi wa marudio na kushindwa kurudi serikali kwa sasa wamekuwa wakitumia njia nyingine ya kuwaaminisha uongo na kuwahadaa wafuasi wao mambo ambayo sio sahihi kupitia mitandao ya kijamii.
Alilitaka Jeshi la Polisi Zanzibar kuwatafuta watu wanaomiliki na kusambaza taarifa za uongo kupitia mitandao ya kijamii kwa lengo la kuwachukulia hatua za kisheria kabla hawajaingiza nchi katika machafuko.
Akizungumzia maandalizi ya Uchaguzi wa Chama hicho na Jumuiya zake na kuwataka wafuasi wa CCM kujitokeze kwa wingi kuwania nafasi mbali mbali zinazogombewa ili wapate kuchagua na kuchaguliwa kwa misingi ya kidemokrasia.
Sambamba na hayo amewashauri wafuasi hao kupokea kwa nia njema mabadiliko yanayofanyika ndani ya CCM kwani lengo lake ni kutengeneza taasisi imara itakayokuwa na nguvu kubwa kiuchumi na kisiasa.
Hata hivyo ametoa Rai kwa Viongozi wa Chama na Jumuiya kujenga mazoea ya kuwatembelea wanachama wao kuanzia ngazi za chini za taasisi hiyo kwa lengo la kujadili changamoto zinazowakabili wananchi ili zipatiwe ufumbuzi unaofaa.
0 comments:
Post a Comment