Serikali hakikisheni usalama wa wananchi Zanzibar- CUF

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Chama cha wananchi CUF kimeitaka Serikali ya Mapinduzi ya Zanzibar kuhakikisha usalama wa raia na ,ali zao baada ya kuanza kutokea kwa matukio yanayoashiria uvunjifu wa amani.

Hayo yameelezwa na kaimu mkurugenzi wa habari na mawasiliano wa chama hicho Bwn Hamad Masoud alipokuwa akizungumza na waandishi wa habari.

''Katika siku za hivi karibuni, hususan baada ya Mwenyekiti wa Tume ya Uchaguzi ya Zanzibar (ZEC), Jecha Salim Jecha, kutangaza kinyume na katiba ya nchi, kufuta uchaguzi wa 25 Oktoba 2015 na matokeo yake, Zanzibar imeshuhudia uingizwaji na uingiaji mkubwa wa askari, vifaa na zana nzito za kivita katika visiwa vya Unguja na Pemba.'' Amesema Bwn Masoud.

''Kuna watu wameanza tayari kuondoka katika makazi yao kwa kuhofia usalama wao kutoka maeneo ya Pemba na kukimbilia Mombasa nchini Kenya''-Amesisitiza Masoud

Aidha chama hicho kimevitaka vyombo vya usalama kutenda haki katika kusimamia amani na mshikamano wa Wazanzibar na kuacha kupendelea upande mmoja wa wa chama talawa pekee.

Uchaguzi wa Zanzibar unarudiwa tarehe 20.03.2016 baada ya uchaguzi uliopita kufutwa na mwenyekiti wa tume ya uchaguzi Zanzibar (ZEC) Salum Jecha, kwa madai ya kukumbwa na kasoro za nyingi ikiwemo ya upinzani kujitangazia matokeo kazi ambayo hufanywa na Tume ya uchaguzi.