Rais
wa Zanzibar, Dk Ali Mohamed Shein (wa pili kulia) akipata maelezo ya
ushuhuda kutoka kwa Sheha wa Shehia ya Maziwa Ng’ombe wilaya ya
Micheweni Pemba, Asha Yussuf Hassan (katikati) aliyevunjiwa nyumba yake
na wafuasi wa Chama cha Wananchi (CUF) hivi karibuni kwa sababu za
kisiasa pamoja na kukatiwa migomba yake wakati alipomtembelea nyumbani
kwake kuangalia maafa hayo jana. (Picha na Ikulu).
RAIS wa Zanzibar, Dk Ali Mohamed Shein amewataka wakuu wa mikoa na
wilaya, kutekeleza majukumu yao na kamwe wasikubali kuona wananchi
wananyanyaswa kwa misingi ya itikadi za kisiasa.
Dk Shein alisema hayo Shengejuu wakati alipopewa taarifa na Mkuu wa
Mkoa wa Kaskazini Pemba, Omar Khamis Othman aliyekuwa akitoa maelezo kwa
Rais kuhusu mfululizo wa matukio ya vitendo vya hujuma dhidi ya
wananchi.
Alisema wakuu wa mikoa na wilaya, wanayo mamlaka makubwa ya kusimamia
utendaji wa maeneo yao, kwa hivyo hawatakiwi kuona wananchi
wananyanyaswa kwa tofauti za itikadi za kisiasa.
“Wakuu wa mikoa na wilaya nimewateua kwa ajili ya kuongoza na
kusimamia misingi ya utawala bora...msikubali kuona wananchi
wananyanyaswa kwa tofauti za itikadi za kisiasa tu,” alisema. Hata
hivyo, aliwataka watendaji hao kuongoza kwa kufuata misingi ya haki wala
wasimuonee mtu haya au kumuweka kizuizini kwa chuki.
Chanzo Gazeti La Habari Leo
.png)
0 comments:
Post a Comment