Rais akutana na Viongozi waliosimamia zao la karafuu Wete Pemba

Jumla ya shs Billioni 71 wamejipatia Wakulima wa Zao la Karafuu 

Kisiwani Pemba baada ya kuliuzia Shirika la Taifa la Biashara Zanzibar 

(ZSTC)  Karafuu zao zao katika msimu wa Karafuu unaotarajiwa kumalizika 

hivi karibuni.

Rais wa Zanzibar na Mwenyekiti wa Braza la Mapinduzi Dkt Ali 

Mohamed Shein ameyaeleza hayo   leo hapo katika ukumbi wa Baraza la 

Wawakilishi  alipokuwa akitowa shukrani kwa Viongozi mbali mbali wa Mkoa

huo wakiwamo vikosi vya ulinzi vya Polisi, JKU,KMKM,,ZIMAMOTO,VALANTIA,

MAFUNZO,MASHEHA, WANANCHI NA KIKOSI KAZI CHA TAIFA CHA  USIMAMIZI WA 

ZAO LA  KARAFUU ZANZIBAR.

Amesema kuwa kiasi hicho cha Fedha kimo mikononi mwa Wananchi 

ambapo kwa kiasi kikubwa zinaweza kuwasaidia sana katika maendeleo yao.

Dkt Shein amefurahishwa na juhudi mbali mbali mbali za Maendleo 

zinazochukuliwa na Wakulima kwa kuweza kujenga Nyumba  za Kisasa baada 

yakupata Fedha hizo za Karafuu ambapo pia amewataka kuchukuwa kila 

juhudi yakusafisha  Mashamba yao na  kupanda Mikarafuu mipya.

Aidha Dkt Shein amefurahishwa na juhudi ya pamoja ziliochukuliwa na

Viongozi mbali mbali, Wananchi, Masheha pamoja na Vikosi vya Ulinzi 

katika kuhakikisha kuwa msimu huu zao la Karafuu halitoroshwi kwa njia 

ya Magendo.

Amesema kuwa kosa juhudi za pamoja mafanikio hayo yasingeweza 

kupatikana ambapo mwaka jana  Mkoa wa Kaskazini Pemba ZSTC ilinunuwa 

jumla ya Tani 25 .6 tu wakati msimu huo katika Mkoa huo jumla ya tani 

2180.5 za Karafuu zimenunuliwa.

Ameeleza kuwa kutokana na kazi nzuri iliofanywa safari hii hakuna 

hata Mkulima moja ,wala taasisi za binafsi na Serikali ambazo inalidai 

Fedha Shihirika la Taifa ZSTC.

Hata hivyo aliliagiza  Shirika la ZSTC kuziangali changamoto 

zilizojitokeza katika msimu huu na baadae kuzipatia ufumbuzi ili msimu 

ujao uweze kwenda vizuri zaidi

Changamoto hizo ni  kwa Vituo vya kununuwa Karafuu kujitosheleza 

katika hali zote  zikiwamo sehemu za kujisaidia ,Vifaa vya kukalia na 

pia kuweka Umeme katika vituo.

Mapema Dkt Shein amesema kuwa kwa upande wa Serikali itajitahidi 

katika kutengeneza Barabara za Vijijini   ili zao  hilo na mengine 

yaweze kupita bila ya matatizo na kusisitiza kuwa vita dhidi ya Magendo 

ya Karafuu ni lazima kwa Wananchi kuendelea kupiga vita ili nchi izidi 

kufaidika kwa zao hilo am,balo ni tegemeo kwa Uchumi wa Nchi na Taifa 

kwa ujumla.